Waqt

waqt ki wo haseen kahaniyaan, Guzre wo lamhe, lamho ki ravaniyaan..

khayalon me khwaab, khwabon me parchaaiyan, parchaiyon me kai chehre..

Chehron me ruswaiyaan...

Kitna kuch badal gaya hai, baarish, mausam aur alfaaz bhi...

Kisi purani dhun ko gungunane ki awargi, saaz koi chedne ka andaaz bhi.

mujhe yaad aata hai kaagazon se choti naav banana, bade kisi ped ki pattiyon se apne sapnon ki patwaar banana.

phir yun hua ke raaste me kuch log mil gaye..

kuch door tak saath chale, kuch adhoore safar me mud gaye.

wahin kuch doori pe sawaal mile, thoda aur aage jaane per jawaab,

shayad kisi ne poocha tha mujhse meri har hansee ka hisaab.

likhi thi jaane kitni kitaaben....hoti the jab din laajawab

Rakhe the kuch rangeen moti takiye ke neeche, dosti aur pyar ka ruh-e-aab.

wo kahte hain log ke samajhdaar bano, zindagi ki tasveer aisi hi hoti hai.

jaane kaise jee lete hain kahne waale jinki apni deewaren rangon se khaali hoti hai.

Wo kahte hain ke accha likh lete ho, kaccha hai magar alfaazon ka tarana.

Kaash ke seekha hota kuch bhi nahi maine, na baaten jahan ki, na ummedon ka fasana.